Chapter Text
「我今晚想留低。。」姜濤輕輕摟住梳化上的沒脊椎科動物說。
相戀多年，一個月裡面，姜濤總會留宿幾晚。
「好呀，我去攞毛巾俾你沖涼。」盧瀚霆把視線移離電視螢光幕，走到擺放毛巾的抽屜櫃前，從櫃子裡選出男友最愛的那條浴巾，內心惆躊着應否開口。
把蜜桃色毛巾拿到客廳，將之放到梳化手枕上，慢慢坐回戀人身邊，不着痕跡地深呼吸了一口，「濤。。今日業主打過俾我，話賠錢俾我都要我盡快搬走，佢想收返間屋俾媽咪住。」
「吓。。咁突然嘅。。」
「嗯嗯。。我怕咁短時間。。搵唔到屋搬。。你估我可唔可以。。」
話音未落，姜濤已搶先回話：「咁我聽日陪你搵屋。。好冇？」
瞬間收起失望眼神，其實他早已猜到戀人不願同住，只心存僥倖一試，「hmmm。。睇下點啦。。或者我暫時搬返媽咪度先。。之後再慢慢搵。。」
愁著眉的人把男友擁到懷裡便道： 「Sorry 呀 lo lo。。。你知我個鐘點工人幾多口架啦，如果你過黎住，我媽咪實知架。」
「唔緊要呀。。使乜sorry 啫。。我明呀。。」為不讓戀人感到絲毫内疚，擠出零破綻的甜美笑眸，盧瀚霆一如既往的善解人意。
戀人生於傳統大家族，家長當然難以接受長子嫡孫之伴侶是個男的，那以後誰來開枝散葉？
「我幾時都話我lo lo 最抵𡃶。。最鍾意你喇。。」牽上白皙小手，笑着給戀人臉蛋印上一吻。
「唔使賣口乖喇你。。仲唔去沖涼。。」
「真係無唔開心？」姜濤看進水靈靈的雙眸，其實他也真的在乎。
「無呀。。真係無。。」儘管關係不能公開，但只要姜濤愛他，盧瀚霆已覺心滿意足，至少這一刻他是這樣想。
「好啦。。咁我沖涼先。。」
聽着浴室水聲淅瀝淅瀝，盧瀚霆離開梳化躺到床上，拿起電話，按下快速撥號給媽媽聯絡。
「喂。。媽咪，我聽晚返黎食飯，有d 野想同你商量。」
「好呀霆霆。。聽晚Mandy姐姐都黎食飯。。你唔好咁遲呀。。」
「知道。」
及後，姜濤洗過澡後便也躺到床上去，被窩裡摻雜睡床主人的體香和雲尼拿氣味讓他舒心， 在戀人耳畔吐出一句：「lo lo… 如果晚晚都可以攬住你瞓就好喇。」
「我得呀。。係你唔得咋嘛。。」盧瀚霆以淡淡語氣無意識地一語道破。
「對唔住。。」
「仲講。。瞓啦。。」
「真係瞓嗱。。lo 豬。。」
「係呀。。我地兩個聽日都要返工。。快d 瞓啦。」
~~~~~
「霆霆呀。。你今晚黎食飯就啱喇。。我地黎緊裝修，家姐會搬去男朋友度，我同爸爸搬去service apartment. 應該有排都唔會煮飯喇。」盧媽媽把一塊咕嚕肉夾到兒子飯碗裡。
「吓。。真係架。。仲諗住搬返黎一陣添。。」
「點解嘅。。你而家間屋唔好住咩？」席上的Mandy 姐姐也加入了話題，她是盧瀚霆的鄰居，也是前補習老師，熟稔程度猶如家人。
「個業主想收返間屋呀。。我都趕唔切搵屋搬。。」盧瀚霆大口大口的吃着白米飯。
「咦。。咁就啱喇。。」Mandy姐姐眸光一閃，嘴角微揚。
「做咩呀。。你知道有好租盤？」盧瀚霆定眼期待着好消息。
「你知我而家做電視台架啦，之前公司買左日本Terrace House 個版權，就黎開拍香港版，但而家差一個男仔。」
「Terrace House? 果個真人show?? 我好鍾意睇架，但入去住就。。怪怪地喎。」呷下一口盧媽媽招牌老火湯，盧瀚霆不禁猶疑著。
「其實係咩黎架。。」盧媽媽聽不明白。
「Terrace House 係一個真人show, 搵唔認識嘅3男3女入一間大屋住，會拍低佢地生活上嘅互動相處，有d 人會有磨擦嗌交，有d 人會做到好朋友，有d 仲會拍拖，唔鍾意住隨時可以搬走，有人搬走，製作組就再搵新人補上，最重要嘅條件係單身。霆霆你都無拍拖，唔使錢有靚屋住，仲有人工𢭃，正吖。。」
「我。。係囉。。我無拍拖。。」盧瀚霆眼色一下子黯淡無光。
「可能就係咁遇到另外一半呢。。」Mandy 姐姐落力游說。
「有d 咩人架？ 正唔正經架。。」盧媽媽皺眉問道。
「女嘅有一個空姐，一個化妝師，同一個插畫家，男嘅呢。。就有一個游水教練，一個 bartender, 之前本來有一個消防員，但佢臨時縮沙，所以我地差一個男仔囉。」
「霆霆，咁聽落都係正當人家嘅，你咪試下囉。。」盧媽媽拍拍兒子手臂。
「我諗諗先啦。」盧瀚霆一臉不情願的說。
晚飯過後，在回家的旅途上，盧瀚霆一直認真細想，畢竟也是個戀愛類型節目，心思細膩的他顧及戀人感受，打算到家後給姜濤打通電話，跟他商量一下才作決定。
推開家門，見家中燈光通明，戀人坐在餐椅上，正專注於平板電腦。
「咦。。黎左嘅。。」在玄關的鞋櫃旁，一邊換上拖鞋一邊對姜濤說。
餐椅上的人走到盧瀚霆身邊，把人牽到飯廳坐下，「我問個 agent 攞左d 租盤資料，諗住上黎同你一齊睇吖嘛。。不過有好多都唔可以即刻入住。。環境ok 果d起碼2個月後先available.」
「兩個月太耐喇。。」指尖往屏幕掃，卻未有專心細看，然後再道：「啱啱返媽咪度食飯。。Mandy 姐姐叫我去參加 Tereace House, 佢話香港就黎開拍。。你覺得。。」
「Netflix 果套Terrace House? 真係架？」姜濤瞪眼看他。
「嗯。。你覺得。。點呀？」
「都好吖。。聽落幾好玩，應該係好好嘅experience。。」
「你。。唔驚我俾人追左去架咩。。d 人入去住係搵對象架喎。。對我咁有信心？」盧瀚霆未敢肯定這是戀人信心之表現，還是不在乎的舉動，深心處泛起點點失望。
「我對你有信心，對自己都有。」露出小虎牙的人淺淺一笑。
~~~~
TBC