Chapter Text
《Coffee, tea or me?》CH.1
「仆街喇！」呂爵安一覺醒來發現已經是早上九點。
越過滿地的酒瓶，呂爵安高速梳洗過後，把桌上的一切都掃進行李箱。
「屌，條呔呢？」
環顧四週，呂爵安終於找到領呔的蹤影⋯
「唔好意思靚女，我拎返啲野！」呂爵安在床上從一個至少肉眼所見是半裸的女人手中拿回領呔，輕輕一揚，刺鼻的香水味在空氣中飄揚。
「乞嗤！」
「屌那星，條撚樣又遲到！」穿著整齊的江𤒹生看著手錶，額頭上彷彿寫著“生人勿近”。
「條友仔返到嚟肯撚定又話但電話無電，鬧鐘唔識響！」」邱士縉淡定地說。
「洗唔洗打個電話俾佢？」李駿傑一臉憂心，不停地原地打轉。
「last seen三分鐘前，由的士站上到嚟，應該仲有兩分鐘就到。」柳應廷托一托眼鏡。
「早晨呀bro！我電話無電搞到個鬧鐘唔識響，sorry呀！」呂爵安露出營業式笑容。
江𤒹生拍了拍呂爵安的肩膀，「你再遲到信唔信我offload你！」
別人眼中他在為呂爵安整理衣服，但只有呂爵安才感受到江𤒹生有多用力。
「我信我信⋯對唔住呀老總，無下次無下次！」
「齊人！Briefing！」江𤒹生説罷便進入簡報室。
眾人安坐於房間中等待江𤒹生的指示。
「無事呀嘛你？老總好似好嬲⋯」
李駿傑是呂爵安的大學同學，二人畢業前在一次航空公司的招聘中一同獲聘，所以畢業後順理成章進入航空公司成為別人口中的空少。
「無事喎！佢次次都咁講架喇！講到宜家我咪仲喺度！佢對我好明顯係真愛！」呂爵安得瑟地說。
旁邊的柳應廷嗅了嗅呂爵安的制服，「你尋晚去左砵蘭街9號呀？咁大陣嗰啲lulu香水味嘅？」柳應廷把座椅往外移。
「乜撚野砵蘭街呀！條女我喺中環溝架，好撚大波架！」
「咳咳！」江𤒹生緊盯著呂爵安，彷彿用眼神把他揍了一頓。
「Lokman升咗職，我哋條team少咗個人，公司安排咗個新人入team，你介紹吓自己先。」
「早晨呀！我叫盧瀚霆， 你地可以叫我Anson，induction 77，嚟緊請咁多位阿哥多多指教！」
呂爵安看著盧瀚霆看得出神，內心大叫了一千次 ”OMG！”
深棕色的頭髮，緊緻白皙的皮膚，清澈明亮的眼睛，長長的睫毛顫動著，配上紅潤的嘴唇，寶藍色的制服完美地突顯出他身體線條，如果他是公司的代言人，應該有成千上萬人恨不得每天都坐他的航班。呂爵安腦裡飛快地閃過他穿著制服serve自己的樣子⋯
盧瀚霆望著出了神的呂爵安，朝他笑了一笑，晶凝的雙唇微微向上翹，笑起來時眼睛眯成腰果般，令呂爵安感到一絲絲的觸電感，全身的毛孔都豎起來。
「歡迎你加入我地，我係哩條team嘅ISM 江𤒹生，你可以叫我AK，或者好似佢地咁叫我老總！你地都介紹吓自己！」
「Anson, nice to meet you! 我係SP邱士縉，你可以叫我Stanley！」
「你好呀！我係Purser阿Jer，柳應廷。」
李駿傑熱情地雙手握著盧瀚霆的手，「我係Jeremy 呀！佢係呂爵安，我地同你一樣都係BC。」
呂爵安拍了拍自己，內心不斷告訴自己他是男人。回過神來，伸手握住了盧瀚霆的手，溫暖又柔軟，呂爵安感到一陣酥麻，這感覺令他好像失去了語言能力，「Hello…我係⋯Edan…」
「呂爵安！你又上咗太空呀？」江𤒹生一吼，呂爵安的魂魄總算全部歸位。
盧瀚霆被江𤒹生震撼的聲音嚇一驚。
「佢哋係咁架喇，你慢慢就慣架喇！」柳應廷在旁小聲地說。
「嗯⋯知道。」